અદાણી જૂથને હચમચાવી નાખનાર યુએસ શોર્ટ-સેલર હિંડનબર્ગ રિસર્ચ ફર્મના અહેવાલમાં મૂકવામાં આવેલા આરોપોની તપાસ પૂર્ણ કરવા માટે સુપ્રીમ કોર્ટે સેબીને સમયગાળો આપ્યો છે. હવે આ મામલે 14 ઓગસ્ટ સુધીનો સમય આપવામાં આવ્યો છે.
આ નિર્ણય CJIની અધ્યક્ષતાવાળી બેન્ચે આપ્યો છે
ચીફ જસ્ટિસ ઓફ ઈન્ડિયા (CJI) DY ચંદ્રચુડની આગેવાની હેઠળની ત્રણ જજોની બેન્ચે આ ચુકાદો આપ્યો હતો. નોંધનીય છે કે સેબીએ સુપ્રીમ કોર્ટમાં અરજી દાખલ કરીને આ મામલે તપાસ પૂર્ણ કરવા માટે 6 મહિનાનો સમય માંગ્યો હતો, પરંતુ સુપ્રીમ કોર્ટે આ મામલે સેબીને લગભગ 3 મહિનાનો સમય આપ્યો છે. એટલે કે સેબીએ હવે 14 ઓગસ્ટ 2023 સુધીમાં આ મામલે તપાસ પૂર્ણ કરવાની છે. આ સાથે સર્વોચ્ચ અદાલતે તમામ પક્ષકારોને નિવૃત્ત જસ્ટિસ સુપ્રાની પેનલ દ્વારા સબમિટ કરેલા અહેવાલની નકલો આપવાનો નિર્દેશ આપ્યો હતો.