કામ પર જતા પરિમલ ગાર્ડન પાસે વરસાદના કારણે યુવકે બાઇક પરથી સંતુલન ગુમાવ્યું હતું
અમદાવાદઃ શહેરના પરિમલ ગાર્ડન પાસેના અંડરપાસમાં વરસાદના કારણે એક્ટિવા પડી જવાથી અકસ્માત સર્જાયો છે. એક્ટિવા સ્લીપ થઈ જતાં પાછળથી આવી રહેલા પીકઅપનું ટાયર યુવકના માથા પર ચડી જતાં તેનું મોત થયું હતું.
શહેરમાં અકસ્માતો વધી રહ્યા છે. વાહન ચાલકોની ઉતાવળના કારણે અનેક લોકો જીવ ગુમાવી રહ્યા છે. આથી શહેરના પરિમલ ગાર્ડન પાસેના અંડરબ્રિજ પરથી એક યુવક કાર લઈને જઈ રહ્યો હતો. દરમિયાન તેણે વાહનનું સંતુલન ગુમાવી દીધું હતું અને તે નીચે પટકાયો હતો અને પાછળથી આવતા પીકઅપ વાહનનું વ્હીલ તેના માથા પર ફરી વળતાં તેનું ઘટનાસ્થળે જ મોત થયું હતું. એમ ડીવીઝન ટ્રાફિક પોલીસે ગુનો નોંધી તપાસ હાથ ધરી છે.
પ્રાથમિક માહિતી અનુસાર, મૃતક યુવકની ઓળખ નવરંગપુરાના રહેવાસી નેમિલ શાહ તરીકે થઈ છે. યુવક આઈટી કંપનીમાં નોકરી કરે છે. આજે સવારે તે એક્ટિવા ચલાવીને કામ પર જતો હતો. દરમિયાન અંડરબ્રિજ પરથી પસાર થતી વેળા પરિમલ એક્ટિવા પરથી બેલેન્સ ગુમાવી નીચે પડી ગયો હતો. દરમિયાન પાછળથી આવતી કારનું વ્હીલ તેના માથા પર ફરી વળતાં તેનું ઘટનાસ્થળે જ મોત થયું હતું.
આ ઘટના બાદ લોકોના ટોળા એકઠા થઈ ગયા હતા. પોલીસે ઘટના સ્થળે પહોંચી આગળની કાર્યવાહી હાથ ધરી છે. પોલીસે ટોળાને વિખેરી યુવકના મૃતદેહને પોસ્ટમોર્ટમ માટે મોકલી આપ્યો હતો. એમ ડિવિઝન ટ્રાફિક પોલીસે ગુનો નોંધી સમગ્ર મામલે તપાસ શરૂ કરી છે.
હાલમાં અમદાવાદ શહેરમાં હળવાથી મધ્યમ વરસાદની આગાહીને પગલે અનેક વિસ્તારોમાં વરસાદ પડી રહ્યો છે. એસજી હાઈવે, ગોતા રાણીપ, ન્યુ રાણીપ, સાબરમતી, વૈષ્ણોદેવી, જગતપુર અને નારણપુરા સહિતના વિસ્તારોમાં વરસાદ પડી રહ્યો છે. હવામાન વિભાગે અમદાવાદમાં પાંચ દિવસ સુધી હળવાથી મધ્યમ વરસાદની આગાહી કરી છે.