અમદાવાદ શહેરમાં અકસ્માતોનો સિલસિલો અટકવાનું નામ નથી લઈ રહ્યો. માણેકબાગ પાસે ગઈકાલે રાત્રે BMW કાચના ચાલકે કરેલા અકસ્માત બાદ હવે થલતેજ અંડરપાસ પર કારનો અકસ્માત સર્જાયો છે. શહેરના વાહનોથી વ્યસ્ત એવા SG હાઈવે પર એક સ્વિફ્ટ કાર અકસ્માત સર્જાઈ છે. અકસ્માત બાદ સ્વિફ્ટ કારનો આગળનો ભાગ કચડાઈ ગયો હતો. થલતેજ અંડરપાસની અંદર સ્વીફ્ટ કારના અકસ્માતને કારણે ટ્રાફિક જામ સર્જાયો છે.
એસજી હાઇવે પર વાહનોની લાંબી કતારો લાગી છે. ઝાયડસ ચાર રસ્તાથી પકવાન તરફ આવતા રોડ પર ટ્રાફિક જામ છે. હાલ ટ્રાફિક પોલીસની ટીમ ઘટનાસ્થળે પહોંચી ગઈ છે અને કારને હટાવીને ટ્રાફિક ક્લિયર કરવાના પ્રયાસો હાથ ધરવામાં આવ્યા છે.