કેન્દ્રીય ગૃહમંત્રી અમિત શાહના એડિટેડ વીડિયો કેસમાં દિલ્હી પોલીસે મોટી કાર્યવાહી કરી છે. પોલીસે અરુણ રેડ્ડી નામની વ્યક્તિની ધરપકડ કરી છે. પોલીસના જણાવ્યા અનુસાર અરુણ સ્પિરિટ ઓફ કોંગ્રેસ નામથી ટ્વિટર એકાઉન્ટ ચલાવતો હતો. પ્રાપ્ત માહિતી અનુસાર, અરુણ ઓલ ઈન્ડિયા કોંગ્રેસ કમિટીના સોશિયલ મીડિયા કોઓર્ડિનેટર છે. તેના પર મોબાઈલમાંથી પુરાવા ભૂંસી નાખવાનો પણ આરોપ છે. મોબાઈલ ફોન જપ્ત કરીને ફોરેન્સિક તપાસ માટે મોકલી આપવામાં આવ્યો છે.
અરુણ રેડ્ડીને આવતીકાલે કોર્ટમાં રજૂ કરવામાં આવશે. પોલીસ કોર્ટમાં જ એડિટેડ વીડિયો કેસમાં અરુણની ભૂમિકાનો ખુલાસો કરશે. આ પછી દિલ્હી પોલીસ અરુણની કસ્ટડીની માંગ કરશે.
કોંગ્રેસના નેતા મણિકમ ટાગોરે કહ્યું કે, દિલ્હી પોલીસે કોઈપણ માહિતી કે એફઆઈઆર જાહેર કર્યા વિના અરુણની અટકાયત કરી છે. તેમણે કહ્યું કે અમે અરુણને તાત્કાલિક મુક્ત કરવાની માંગ કરીએ છીએ. સત્તાનો આ પ્રકારનો દુરુપયોગ નિંદનીય છે.