અમૂલ ડેરીએ લાખો પશુપાલકોને મોટી ભેટ આપી છે. ડેરીએ દૂધના ખરીદ ભાવમાં પ્રતિ કિલો રૂ. 30નો વધારો કર્યો છે. પહેલા તે 820 પ્રતિ કિલો હતો, જે હવે વધીને 850 થઈ ગયો છે. નવો ભાવ વધારો 11 ઓગસ્ટથી લાગુ થશે. દૂધ વર્તુળના આણંદ, ખેડા, મહિસાગર જિલ્લાના લાખો ખેડૂતોને ભાવ વધારાનો ફાયદો થશે.
અમૂલ ડેરી દ્વારા પશુપાલકોના હિતમાં મહત્વનો નિર્ણય લેવામાં આવ્યો છે. અમૂલે દૂધના ખરીદ ભાવમાં વધારો કર્યો છે. તમને જણાવી દઈએ કે ફેટમાં પ્રતિ કિલો 30 રૂપિયાનો વધારો થયો છે. અમૂલ ડેરીના આ નિર્ણયથી 7 લાખ પશુપાલકોને ફાયદો થશે.
અત્રે જણાવવાનું કે આ ભાવ વધારો 11 ઓગસ્ટથી લાગુ થશે અને હવે નવી કિંમત 850 રૂપિયા પ્રતિ કિલો ફેટ થઈ ગઈ છે. ગાયના દૂધમાં પણ પ્રતિ કિલો ફેટ 13.70 રૂપિયાનો વધારો કરવામાં આવ્યો છે.
આ વર્ષે પશુ આહારની કિંમત અંદાજે 15 થી 20% વધી છે. આવી સ્થિતિમાં ઘાસચારાની સાથે સાથે અનાજના ભાવમાં પણ વધારો થતાં પશુપાલકો પર આર્થિક બોજ વધી ગયો છે. જેને જોતા અમૂલ ડેરી આણંદે દૂધના ખરીદ ભાવમાં પ્રતિ કિલો ફેટ 30 રૂપિયાનો વધારો કરવાનો નિર્ણય લીધો છે. ભેંસનું દૂધ 1.85 રૂપિયાથી વધારીને 2.16 રૂપિયા પ્રતિ લિટર અને ગાયનું દૂધ 1.29 રૂપિયાથી વધારીને 1.36 રૂપિયા પ્રતિ લિટર કરવામાં આવ્યું છે.
અમૂલ ડેરી દરરોજ લાખો લિટર દૂધની આવક નોંધે છે. તેની વિશ્વ વિખ્યાત વિવિધ પ્રોડક્ટ્સ ધૂમ મચાવી રહી છે. દૂધની સતત માંગ અને વપરાશ વચ્ચે અમૂલ ડેરીએ પશુપાલકોના હિતમાં મોટો નિર્ણય લીધો છે. ડેરી દ્વારા દૂધના ભાવમાં વધારો કરવામાં આવ્યો છે. અગાઉ દૂધની કિંમત 820 રૂપિયા પ્રતિ કિલો ફેટ હતી, જેમાં 30 રૂપિયાથી 850 રૂપિયા પ્રતિ કિલો ફેટનો વધારો કરવામાં આવ્યો છે. આ જાહેરાત બાદ પશુપાલકોમાં ખુશીનો માહોલ જોવા મળી રહ્યો છે. અમૂલ ડેરીના આ નિર્ણયથી 7 લાખ પશુપાલકોને ફાયદો થશે.