અરવલ્લી જિલ્લાના માલપુરમાં 35 મીમી જ્યારે બાયડમાં 26 મીમી વરસાદ નોંધાયો હતો. બીજા દિવસે પણ વાતાવરણમાં પલટો જોવા મળ્યો છે. મોડાસા તાલુકામાં આજે સવારથી વરસાદ શરૂ થયો છે. મોડાસા શહેર સહિત સાબલપુર, પાલનપુર, આનંદપુરામાં મુશળધાર વરસાદ શરૂ થયો છે. ખેડૂતોએ ખેડાણ કરીને ખેતરો તૈયાર કર્યા છે. ત્યારબાદ જ્યારે નિયમિત વરસાદ શરૂ થશે ત્યારે હવે ખેતરોમાં વાવણી કરી શકાશે. જેના કારણે ખેડૂતો પણ ખુશ છે. આજના હવામાનને જોતા જિલ્લાના અન્ય તાલુકાઓમાં પણ વરસાદી ઝાપટા પડવાની સંભાવના છે.