રાજ્યમાં વરસાદનો ત્રીજો રાઉન્ડ શરૂ થઈ ગયો છે. સૌરાષ્ટ્ર સહિત અનેક જિલ્લાઓમાં ધોધમાર વરસાદ વરસી રહ્યો છે. ત્યારે ગત સાંજે અરવલ્લી જિલ્લામાં પણ ભારે વરસાદ પડ્યો હતો. મોડાસા, મેઘરજ અને ધનસુરામાં ભારે વરસાદ પડ્યો હતો. ભારે વરસાદના કારણે શહેરના ચારરસ્તા, મેઘરજ રોડ, માલપુર રોડ સહિતની સોસાયટીઓમાં ઘૂંટણિયે પાણી ભરાયા છે. અસહ્ય ગરમી બાદ વરસાદે વાતાવરણમાં ઠંડક ઓગળી છે. ખાસ મોડાસાની મધ્યમાં આવેલા ચાર રસ્તાઓ પર પાણી ભરાઈ ગયા છે. બસ સ્ટેશન વિસ્તારમાં પણ પાણી ભરાયા છે. સાથે જ આ વરસાદે ખેડૂતોને પણ જીવતદાન આપ્યું છે. જેના કારણે ખેડૂતોમાં ખુશીનો માહોલ જોવા મળી રહ્યો છે.