અરવલ્લી જિલ્લામાં સવારથી જ ભારે પવન અને ગાજવીજ સાથે વરસાદ ચાલુ છે. જિલ્લાના માલપુર, મેઘરજ, બાયડ, ધનસુરા, મોડાસા અને ભિલોડા પંથકમાં વરસાદ પડ્યો હતો. માલપુર નગરમાં પડેલા ભારે વરસાદને કારણે નગરના મુખ્ય બજારના માર્ગો નદી જેવા દેખાતા હતા. મોડાસા શહેરના મેઘરજ રોડ સહિતના નીચાણવાળા વિસ્તારોમાં પાણી ભરાયા છે. વાહન ચાલકોને આફતનો સામનો કરવાનો વારો આવ્યો છે. દિવસ દરમિયાન પણ ભારે વરસાદની સંભાવના છે.
અરવલ્લી જિલ્લાના લગભગ તમામ તાલુકાઓમાં સવારથી જ ઝરમર વરસાદ વરસી રહ્યો છે. ત્યારે મેઘરજ તાલુકાના માલકંપા ગામે વીજળી પડવાની ઘટના પ્રકાશમાં આવી છે. ગામમાં એક નાળિયેરના ઝાડ પર વીજળી પડી હતી. જેના કારણે વૃક્ષ સળગવા લાગ્યું હતું. ત્યારે ગ્રામજનોમાં પણ હોબાળો મચી ગયો હતો. જો આ વીજળી કોઈ ઈમારત પર પડી હોત તો મોટી દુર્ઘટના થઈ શકી હોત. આવી સ્થિતિમાં હજુ પણ વરસાદની સંભાવના છે.