ડીસામાં યુવકના આપઘાતનો વધુ એક બનાવ પ્રકાશમાં આવ્યો છે. આસેડા ગામ પાસે કેનાલની બાજુમાં આવેલા ગાઢ ઝાડ પર યુવકે ગળેફાંસો ખાઈ આપઘાત કરી લીધો હતો.. ડીસા તાલુકા પોલીસ ઘટના સ્થળે પહોંચી કાયદેસરની કાર્યવાહી હાથ ધરી છે.
ડીસા તાલુકાના આસેડા ગામ નજીકથી પસાર થતી કેનાલની બાજુમાં આવેલી ઝાડીમાં એક યુવકે ગળેફાંસો ખાઈ આપઘાત કરી લીધો હતો. જ્યારે કેનાલ નજીકથી પસાર થઈ રહેલા લોકોએ લાશ ઝાડ પર લટકતી જોઈને તરત જ ડેપ્યુટી સરપંચને ફોન કરીને પોલીસને જાણ કરી હતી. ઘટનાની જાણ થતાં જ ડીસા તાલુકા પોલીસ તાત્કાલિક ઘટના સ્થળે પહોંચી હતી અને પ્રાથમિક તપાસ બાદ ગામના 27 વર્ષીય વિક્રમજી જીવનજી ઠાકોરે આપઘાત કરી લીધો હોવાનું જાણવા મળ્યું હતું.