હમાસ અને ઈઝરાયેલ વચ્ચે ફાટી નીકળેલા યુદ્ધમાં વડાપ્રધાન બેન્જામિન નેતન્યાહુ વિરુદ્ધ ગતિવિધિઓ શરૂ થઈ ગઈ છે.ઈઝરાયેલના વડાપ્રધાન બેન્જામિન નેતન્યાહુ પોતાના જ દેશમાં વિરોધીઓથી ઘેરાઈ ગયા છે.જેમ કે લોકો રસ્તા પર ઉતરી આવ્યા છે અને નેતન્યાહુનો વિરોધ કરી રહ્યા છે. હજારો વિરોધીઓની માંગ છે કે ઇઝરાયેલમાં ટૂંક સમયમાં ચૂંટણી યોજવામાં આવે. ઈઝરાયેલ સરકાર વિરુદ્ધ રેલી કાઢવામાં આવી હતી અને આગચંપી પણ કરવામાં આવી હતી.
ઇઝરાયલ સરકાર સામેનો આ વિરોધ માત્ર એક ભાગમાં જ યોજાયો ન હતો, પરંતુ શહેરના વિવિધ ભાગોમાં લોકો રસ્તા પર ઉતરી આવ્યા હતા અને હાથમાં પ્લેકાર્ડ સાથે પ્રદર્શન કર્યું હતું. દેખાવકારોએ હમાસ દ્વારા બંધક બનાવેલા લોકોને તાત્કાલિક મુક્ત કરવાની માંગ કરી હતી.તેઓએ દેશભક્તિના ગીતો ગાયા હતા અને બંધકોને ઘરે લાવો જેવા સૂત્રોચ્ચાર કર્યા હતા.
તમારી જાણકારી માટે તમને જણાવી દઈએ કે ઈઝરાયેલમાં વર્ષ 2021માં જ ચૂંટણી યોજાઈ હતી અને આગામી ચૂંટણીઓ 2026માં યોજાવાની છે. છેલ્લી ચૂંટણીમાં બેન્જામિન નેતન્યાહુની લિકુડ પાર્ટી સૌથી મોટી પાર્ટી બનીને ઉભરી હતી, જેને સમર્થન સાથે કેટલાક આત્યંતિક જમણેરી પક્ષોએ સરકાર બનાવી હતી. આ હોવા છતાં, વિરોધીઓ તેલ અવીવની શેરીઓમાં પાછા ફર્યા છે.