વેસ્ટર્ન ડિસ્ટર્બન્સના કારણે ઉત્તર ગુજરાતમાં ગુરુવારે સવારથી વાતાવરણમાં પલટો આવ્યો હતો. બપોરે 30 થી 40 કિમીની ઝડપે પવન સાથે ધૂળના વાદળો ઉડ્યા હતા. હાઇવે પર વિઝિબિલિટી ઘટી છે. ઓછી વિઝિબિલિટીના કારણે વાહનચાલકો પરેશાન થયા હતા. આજે પવનના કારણે ગરમીમાં પણ થોડો ઘટાડો થયો છે.
પલટાબાદ હવામાન વિભાગે પણ 48 કલાક બાદ ઉત્તર ગુજરાતમાં કમોસમી વરસાદની શક્યતા વ્યક્ત કરી છે. તો મહેસાણા સહિત ઉત્તર ગુજરાતના પાંચ મોટા શહેરોમાં 38 થી 40 ડિગ્રી તાપમાન નોંધાયું હતું. આ ઉપરાંત મહેસાણા, પાટણ, બનાસકાંઠા અને સાબરકાંઠામાં 28મી મેના રોજ મોસમનો વરસાદ થવાની સંભાવના હવામાન વિભાગે વ્યક્ત કરી છે.