બનાસકાંઠા જિલ્લા અને દક્ષિણ રાજસ્થાનમાં સારા વરસાદને કારણે દાંતીવાડા ડેમમાં પાણીની સારી એવી આવક થઈ છે. માઉન્ટ આબુમાં ગત રાત્રે 160 મી.મી. આજે 28-07-2023 ના રોજ ભારે વરસાદને કારણે દાંતીવાડા ડેમમાં પાણીની સપાટી 599.35 ફૂટ એટલે કે ડેમ 86.62 ટકાથી વધુ ભરાયો છે. ડેમની સંપૂર્ણ ક્ષમતા 604 ફૂટ છે એટલે કે આજે ડેમ લગભગ ભરાઈ ગયો છે ત્યારે દાંતીવાડા ડેમમાંથી બનાસ નદીમાં 10,000 ક્યુસેક પાણી છોડવામાં આવશે. હાલમાં દાંતીવાડા ડેમના 6 દરવાજા ખોલવામાં આવ્યા છે.
બનાસકાંઠા જિલ્લા વહીવટી તંત્ર દ્વારા જિલ્લાવાસીઓને જાણ કરવામાં આવી રહી છે કે દાંતીવાડા ડેમના નીચેના વિસ્તારમાં રહેતા લોકોએ નદીના પટ વિસ્તારમાં પ્રવેશ ન કરવો, નદીના પટમાં પ્રવેશવાથી અકસ્માત થવાની સંભાવના છે. તેથી, તેઓને નદીના વિસ્તારમાં ન પ્રવેશવા અને તેમના પશુધન અને પશુઓ સાથે નદીના પટમાંથી દૂર સુરક્ષિત સ્થળે જવા માટે વિનંતી કરવામાં આવી છે. તેમજ નદીના પટમાં ખોદકામના કારણે નદીના પટમાં ભરાયેલા પાણીમાં ન્હાવું જીવ માટે જોખમી છે. પ્રશાસન દ્વારા નાગરિકોને બનાસ નદીમાં ન ન્હાવા અપીલ કરવામાં આવી છે.