ઊંઝા વિધાનસભા વિસ્તારના ધારાસભ્ય કે.કે.પટેલે ગામડાઓની મુલાકાત શરૂ કરી છે. ત્યારે વિધાનસભાની ચૂંટણી બાદ ધારાસભ્યને હવે પ્રવાસ માટે સમય મળ્યો છે. ગ્રામજનોના પ્રશ્નોના નિરાકરણ માટે તેઓ પ્રવાસ કરીને ગ્રામજનોના પ્રશ્નો સાંભળશે. ધારાસભ્ય પાસે વિવિધ ગામોના લોકો નાના-મોટા પ્રશ્નો લઈને આવે છે. ધારાસભ્યએ આશ્વાસન આપ્યું છે કે જે પણ સમસ્યાઓ છે તેનો ટૂંક સમયમાં ઉકેલ લાવવામાં આવશે.
ઊંઝા તાલુકાના ભુણાવ ગામે ધારાસભ્ય કે.કે. પટેલની મુલાકાત દરમિયાન ગ્રામજનોએ જણાવ્યું હતું કે સીમ વિસ્તારમાં રોડ બનાવવાની માંગ ઘણા સમયથી કરવામાં આવી રહી હતી. વારંવાર આવેદન અને મેમોરેન્ડમ આપવામાં આવ્યા હતા પરંતુ કોઈ ઉકેલ આવ્યો ન હતો. ધારાસભ્યએ ખાતરી આપી હતી કે ટૂંક સમયમાં રસ્તો મંજૂર કરવામાં આવશે અને આજુબાજુના ગામડાઓમાં રહેતા ગરીબો કે જેમની પાસે મકાન નથી તેમની સમસ્યા પણ હલ કરવામાં આવશે.