ઊંઝાની ઉનાવા પોલીસે વરલી મટકાનો જુગાર રમતા ઇસમને પકડી પાડ્યો હતો. પોલીસે ગુનો નોંધી કાર્યવાહી હાથ ધરી હતી. ઉનાવા પોલીસ સ્ટેશનનો સ્ટાફ પેટ્રોલીંગમાં હતો. દરમિયાન તેઓ ઉનાવા ટાઉન વિસ્તારમાં ચેકિંગ કરી રહ્યા હતા. ઉનાવાના ચેતનભાઈ ચંપકલાલ શાહ પોતાના આર્થિક લાભ માટે વરલી મટકામાં જુગાર રમાડતા હોવાની ખાનગી બાતમી મળી હતી. પોલીસે ઘટના સ્થળે પહોંચી શાહ ચેતનભાઈ ચંપકલાલની ધરપકડ કરી હતી અને શાહ ચેતનભાઈ પાસેથી એક ડાયરી અને એક બોલપેન મળી આવી હતી અને રોકડા રૂપિયા 6320 તેમજ મોબાઈલ ફોન કબજે કરી ગુનો નોંધી તપાસ હાથ ધરી હતી.