મહેસાણાના ઊંઝા પાસે નકલી જીરાનું કારખાનું ઝડપાયું છે. મહેસાણાના ફૂડ વિભાગે અંદાજિત 12 હજાર કિલો નકલી જીરું ઝડપ્યું છે. ફૂડ વિભાગે દરોડો પાડતાં કારખાનેદારે કહ્યું કે આ જીરુંનો જથ્થો નથી. ફૂડ વિભાગે આ નકલી જીરુંના સેમ્પલ લઈને ટેસ્ટિંગ માટે મોકલી આપ્યા છે. ફેક્ટરીના માલિકે જણાવ્યું કે તે પશુ આહાર છે. આ નકલી જીરાથી લોકોના આરોગ્ય સાથે ચેડા ન થાય તે માટે ફૂડ વિભાગ દ્વારા વધુ તપાસ હાથ ધરવામાં આવશે. આ જીરૂ કોને વેચવામાં આવ્યું છે તેની પણ તપાસ કરવામાં આવશે.