(GNS),તા.06
શનિવારે સવારે એપોલો ઈન્ટરનેશનલ સ્કૂલ (કુડાસણ)ના વિદ્યાર્થીઓએ ઉત્તરાયણનો તહેવાર નજીક આવી રહ્યો હોવાથી ‘સેવ બર્ડ’ માટે પત્તા રમવા અને ચાઈનીઝ દોરીનો ઉપયોગ ટાળવા સહિતના લોકજાગૃતિ કાર્યક્રમનું આયોજન કર્યું હતું. જેમાં જીએમસી મેયર શ્રી હિતેશભાઈ મકવાણા ઉપસ્થિત રહ્યા હતા. આ પ્રસંગે તેઓને અપીલ કરવામાં આવી હતી કે, આવો આપણે સૌ સાથે મળીને આનંદ અને ઉમંગના તહેવારમાં કોઈ પક્ષી કે નિર્દોષ પ્રાણીની હત્યા ન થાય તેની કાળજી લઈને માનવતાના ધર્મને સુગંધિત બનાવીએ. આ કાર્યક્રમમાં મધુર ડેરીના ચેરમેન શ્રી શંકરસિંહ રાણા, કાઉન્સિલરો, શાળાના શિક્ષકો અને મોટી સંખ્યામાં વિદ્યાર્થીઓ ઉપસ્થિત રહ્યા હતા.