કડીના બોરીસણાથી ફૂલેત્રા ગામ સુધી ચાર કિ.મી. વરસાદના કારણે ગ્રામજનો માટે સિંગલ લેન રોડ પર ચાલવું મુશ્કેલ બન્યું છે. રોડની હાલતના કારણે ગ્રામજનોને પાંચ કિલોમીટર વધુ ચાલવાની ફરજ પડી રહી છે અને ગ્રામજનોમાં આક્રોશ ફેલાયો છે. ગ્રામજનોનો સમય અને ઇંધણ બંને વેડફાય છે. તાલુકાના બોરીસણા ગામથી કડી થોલ રોડ પરના ફૂલેત્રા ગામ સુધીનો 3.75 મીટરનો સિંગલ લેન ચાર કિમીનો છે. રોડ ડામરનો બનેલો છે.હાલમાં ચોમાસામાં અવિરત વરસાદના કારણે પાણી ભરાતા અને ડામર ધોવાઈ જવાના કારણે રોડ પર મસમોટા ખાડાઓ પડી ગયા છે. રોડની બદતર હાલતને કારણે ગ્રામજનોને વાહન તેમજ પગપાળા મુસાફરી કરવી ખૂબ જ મુશ્કેલ છે.