મહેસાણા જિલ્લામાં દિવસે વિવિધ વિસ્તારમાં ચાલતા જુગારધામ પર પોલીસ દરોડા પાડી જુગારીઓને ઝડપી રહી છે. ત્યારે આજેરોજ મહેસાણા લોકલ ક્રાઈમ બ્રાન્ચની ટીમે કડી તાલુકાના મણિપૂરા ગામની સીમમાં પ્લાસ્ટિકના કોઈન પર જુગાર રમતા 11 જુગારીઓને ઝડપી લીધા હતા. તેમજ પોલીસે કુલ 3.98 લાખથી વધુનો મુદ્દામાલ કબ્જે કર્યો હતો. મહેસાણા લોકલ ક્રાઈમ બ્રાન્ચની ટીમો કડી તાલુકા પંથકમાં પેટ્રોલીગ પર હતી. એ દરમિયાન પોલીસને બાતમી મળી હતી કે કડી તાલુકાના શીયાપુરા ગામનો પટેલ બળવંતભાઈ ગોવિંદભાઇ બહાર થી માણસો લાવી મણિપુરા ગામની સીમમાં આવેલા ખેતરમાં જુગાર રમાંડતો હોવાની જાણ પોલીસને થતા પોલીસે દરોડા પડયા હતા. આ દરમિયાન પોલીસે 11 જુગારીને ઝડપી લીધા હતા.મહેસાણા એલસીબી ટીમના દરોડા દરમિયાન જુગારીઓ પોતાના રમવાના પૈસા જમા કરાવી પ્લાસ્ટિકના કોઈન પર પત્તા વડે જુગાર રમતા હતાં. પોલીસે દરોડા પાડીને રોકડ રકમ, મોબાઈલ, ગાડી, પ્લાસ્ટિકના કોઈન મળી કુલ 3,98,850નો મુદ્દામાલ કબ્જે કર્યો હતો.