કડી પોલીસ સ્ટેશનનો સ્ટાફ ખાનગી વાહનમાં પેટ્રોલીંગમાં હતો. દરમિયાન બાતમીના આધારે પોલીસે વામજ ગામમાંથી વિદેશી દારૂનો મોટો જથ્થો કબજે કર્યો છે. જ્યાંથી મુખ્ય આરોપી ફરાર થઇ જતાં પોલીસે એક લાખથી વધુની રોકડ કબજે કરી હતી. સ્થળ પર જ ઈસમની ધરપકડ કરી કાયદેસરની કાર્યવાહી હાથ ધરવામાં આવી હતી.
કડી પોલીસ સ્ટેશનના ડી સ્ટાફના માણસો ખાનગી વાહનો સાથે ગ્રામ્ય વિસ્તારમાં અલગ-અલગ જગ્યાએ પેટ્રોલીંગ કરી રહ્યા હતા. જે દરમિયાન તે કરણનગર રોડ તરફ જઈ રહ્યો હતો. ત્યારે વામજ ગામના બાડામાં અશ્વિને વિદેશી દારૂનો મોટો જથ્થો છુપાવ્યો હોવાની ખાનગી બાતમી મળી હતી. જ્યાં પોલીસે માહિતીની ખરાઈ કરીને અલગ-અલગ ટીમો બનાવી ઘટના સ્થળે પહોંચીને વિદેશી દારૂનો મોટો જથ્થો કબજે કર્યો હતો.