કડી તાલુકાની નંદાસણ પોલીસે સરવાવ સીમના ગૌચરની જમીનમાં ચાલી રહેલા વિદેશી દારૂના અડ્ડા પર કડક કાર્યવાહી કરતા બુટલેગરોમાં ફફડાટ વ્યાપી ગયો હતો. કડી તાલુકાના નંદાસણ પોલીસ સ્ટેશનમાં ફરજ બજાવતા મહિલા પીએસઆઈ સહિતના જવાનો ગત રાત્રિ દરમિયાન વિવિધ વિસ્તારોમાં પેટ્રોલીંગ કરી રહ્યા હતા અને બાતમીના આધારે સરવાવની સીમમાં ગૌચરની જમીનમાં કેટલાક શખ્સો વિદેશી દારૂની હેરાફેરી કરતા ઝડપાયા હતા.
પોલીસને હકીકત મળતાં મહિલા PSI સહિતનો સ્ટાફ ઘટના સ્થળે પહોંચી ગયો હતો. જ્યાં વિદેશી દારૂનું કટિંગ ચાલી રહ્યું હતું અને પોલીસને જોતા જ દારૂની હેરાફેરી કરનારા ભાગી ગયા હતા. જ્યાં નંદાસણ પોલીસે ત્વરીત કાર્યવાહી કરી લાખો રૂપિયાનો વિદેશી દારૂ કબજે કર્યો હતો. તેમજ દારૂ ખરીદવા આવેલા વિદેશીઓની દસથી વધુ લક્ઝરી કાર જપ્ત કરવામાં આવી હતી. પોલીસે ફોર્ચ્યુનર, થાર, સ્કોર્પિયો, વર્ના, i20, બ્રેઝા સહિત 10 લક્ઝરી કાર અને લાખો રૂપિયાનો વિદેશી દારૂ કબજે કર્યો હતો.