કડી પોલીસ ચોકીના કર્મચારીઓ જુગારની કામગીરી સંદર્ભે વિવિધ ગ્રામ્ય વિસ્તારોમાં પેટ્રોલીંગ કરી રહ્યા હતા. તેઓ બોરીસણા ગામ તરફ જતા હતા ત્યારે તેમને અંગત બાતમી મળી હતી કે બોરીસણા ગામથી ફૂલેત્રા ગામ તરફ જતા રોડ પર સરફરા કંપનીની સામે ખુલ્લી જગ્યામાં કેટલાક લોકો જુગાર રમી રહ્યા છે. માહિતીની ખરાઈ કર્યા બાદ પોલીસે ઉક્ત સ્થળે દરોડો પાડતા જુગારીઓ નાસી છૂટવામાં સફળ રહ્યા હતા. જ્યારે પોલીસે ત્રણ ઈસમોની રેડ કરી ધરપકડ કરી હતી.પોલીસે ફૂલેત્રા રોડ પર જુગાર રમતા કિશનભાઈ ખુશાલદાસ પાલ (રહે. કડી), દિનેશભાઈ અંબાલાલ પટેલ (રહે. કડી), નિકુલકુમાર અમરતભાઈ પ્રજાપતિ (રહે. કડી)ની ધરપકડ કરી હતી. આ સાથે પોલીસે 17,900 રૂપિયા રોકડા પણ કબજે કરી કેસ નોંધ્યો છે.