શુક્રવારે ગાંધીનગર સીઆઈડી ક્રાઈમ પોલીસ સ્ટાફે કડી-છત્રાલ રોડ પર આવેલી જીઆઈડીસીમાં સોમાણી કંપનીની સામે બુડાસણ ગામની હદમાં રાજરત્ન એસ્ટેટમાં આવેલી ઘી ફેક્ટરીમાં સર્ચ ઓપરેશન હાથ ધર્યું હતું અને ફેક્ટરી નજીકથી એક શંકાસ્પદ ટ્રક પણ કબજે કરી હતી. જોકે, બીજા દિવસે પણ વિગતો જાહેર ન થતાં તર્ક-વિતર્ક સર્જાયા છે.
ડીઆઈજીના આદેશ મુજબ આ ઓપરેશનમાં જોડાયેલા પોલીસકર્મીઓએ સર્ચ ઓપરેશન હાથ ધર્યું છે. તેમણે કહ્યું કે જરૂર પડશે તો સ્થાનિક પોલીસ અથવા ફૂડ એન્ડ ડ્રગ વિભાગ અને એફએસએલ વિભાગની મદદ લેવામાં આવશે. અમારી કાર્યવાહીની માહિતી માત્ર ડીઆઈજી ઓફિસમાંથી જ જાહેર કરવામાં આવે છે. અમે સ્થાનિક સ્તરે કોઈ માહિતી આપી શકતા નથી તેમ કહીને વિગતો આપવાનો ઈન્કાર કર્યો હતો. સ્થાનિક પોલીસે કહ્યું કે તેઓ કાર્યવાહીથી વાકેફ નથી.