કડી તાલુકાના કલ્યાણપુરા ગામ પાસેના અગોલ ગામમાં ઘણા સમયથી ગંદકીનું રાજ જોવા મળતા લોકોમાં ચકચાર મચી જવા પામી છે. કડી તાલુકાના આગોલ ગામમાં સર્વત્ર ગંદકીના રાજથી ગામમાં ભયનો માહોલ છે. આ સાથે અગોલ ગામથી ખેતર તરફ જવાના રસ્તા પર કાદવ જમા થવાના કારણે ગ્રામજનો અને ખેડૂતોને માટીમાંથી જ ખેતરમાં જવું પડે છે. ગ્રામજનો દ્વારા વહીવટી તંત્રને વારંવારની અરજીઓ કરવા છતાં કોઈ ઉકેલ ન આવતાં લોકોમાં રોષ ભભૂકી ઉઠ્યો છે. અગોલ ગામના મોટા વાસ અને પટેલ વાસમાં રહેતા લોકોને ગામની સાથે અન્ય સ્થળે જવા માટે ભારે મુશ્કેલીનો સામનો કરવો પડી રહ્યો છે. ગામની અંદર જ્યાં જુઓ ત્યાં ગંદકીનું સામ્રાજ્ય જોવા મળે છે. આરોગ્ય સામેના ખતરા સામે વહીવટીતંત્ર, આરોગ્ય વિભાગ અને પંચાયતો આંખ આડા કાન કરી રહ્યા હોવાનું જોવા મળી રહ્યું છે.