બનાસકાંઠા જિલ્લામાં વિકાસ ભારત સંકલ્પ યાત્રા અંતર્ગત સરકારની વિવિધ યોજનાઓનો પ્રચાર-પ્રસાર કરતો રથ કાંકરેજ તાલુકામાં ફરે છે તે જ ક્રમમાં કાંકરેજ તાલુકાના કાકર ગામે વિકાસ ભારત સંકલ્પ યાત્રાના રથનું ગ્રામજનોએ સ્વાગત કર્યું હતું. સરકારની વિવિધ 17 યોજનાઓના લાભો મેળવવા અંગે પણ લોકોને માહિતી આપવામાં આવી હતી. રથ દ્વારા ગામના કુલ 326 લાભાર્થીઓને વિવિધ યોજનાઓનો લાભ મળ્યો હતો. 13 લાભાર્થીઓના આયુષ્માન કાર્ડ નોંધાયા હતા.
2 લાભાર્થીઓને આજીવન કાર્ડનું પણ વિતરણ કરવામાં આવ્યું હતું. ઉપરાંત જન ધન યોજના, જીવન જ્યોતિ વીમા યોજના, શિષ્યવૃતિ યોજના, સ્વસહાય જૂથો સહિતની વિવિધ યોજનાઓની માહિતી યોજનાના સ્ટોલ દ્વારા આપવામાં આવી હતી. કાર્યક્રમ અંતર્ગત 384 લાભાર્થીઓએ વિકસિત ભારત બનાવવાના શપથ લીધા હતા. આ પ્રસંગે કાકર ગામના સરપંચ, તલાટી સહમંત્રી, આરોગ્ય કાર્યકરો, આંગણવાડી સેવિકા બહેનો, વિવિધ વિભાગોના અધિકારીઓ અને ગ્રામજનો મોટી સંખ્યામાં ઉપસ્થિત રહ્યા હતા.