બનાસકાંઠા જિલ્લાના કાંકરેજના વતની અને કાંકરેજના પૂર્વ ધારાસભ્ય બાબુભાઈ દેસાઈને આજે રાજ્યસભાની ચૂંટણીમાં ભાજપ દ્વારા મેદાનમાં ઉતારવામાં આવ્યા છે. બાબુભાઈ દેસાઈ 2007 થી 2012 સુધી ધારાસભ્ય રહી ચૂક્યા છે. તેઓ મૂળ કાંકરેજના રહેવાસી છે અને સામાજિક સંસ્થાઓ સાથે સંકળાયેલા છે અને વર્ષોથી સેવાકીય કાર્યો કરતા બાબુભાઈ દેસાઈ આજે રાજ્યસભાના ઉમેદવાર તરીકે ચૂંટાઈ આવતા સમગ્ર બનાસકાંઠા જિલ્લામાં ખુશીનો માહોલ જોવા મળી રહ્યો છે. બાબુભાઈ દેસાઈ રબારી સમાજના છે અને વર્ષોથી તેઓ દરેક ક્ષેત્રના લોકો સાથે સેવાકીય પ્રવૃતિઓમાં જોડાયેલા છે. ભાજપમાં રહીને પણ તેમણે ઘણી ચૂંટણીઓમાં મહત્વની ભૂમિકા ભજવી છે, જેના કારણે આજે ભાજપ મોવડી મંડળે તેમને રાજ્યસભાના ઉમેદવાર બનાવ્યા છે. બનાસકાંઠા જીલ્લામાં હાલમાં વસતા રબારી સમાજની સાથે દરેક લોકો ફરી એકવાર બનાસકાંઠા જીલ્લાને રાજ્યસભામાં સ્થાન મળતાં ખુશ છે.
બનાસકાંઠા જિલ્લા ભાજપ પ્રમુખ કીર્તિસિંહ વાઘેલાએ જણાવ્યું હતું કે કાંકરેજના વતની અને પૂર્વ ધારાસભ્ય બાબુભાઈ દેસાઈને રાજ્યસભાની ચૂંટણી માટે ઉમેદવાર જાહેર કરવામાં આવ્યા છે. ભામાશાના રૂપમાં. આજે તેમને રાજ્યસભાના ઉમેદવાર બનાવ્યા તે બનાસકાંઠા જિલ્લા માટે ગૌરવની વાત છે અને આગામી 2024ની લોકસભાની ચૂંટણીમાં સમગ્ર ગુજરાતમાં વસતા રબારી સમાજ માટે મહત્વની ભૂમિકા ભજવશે. આજે બાબુભાઈ દેસાઈએ રાજ્યસભામાં સ્થાન મેળવવા બદલ વડાપ્રધાન નરેન્દ્ર મોદી અને ગુજરાતના મુખ્યમંત્રીનો આભાર માન્યો હતો.