વિકાસની મોટી મોટી વાતો કરતી ગુજરાત સરકાર પ્રાથમિક શાળાઓમાં ભણતા વિદ્યાર્થીઓને સુવિધા આપવામાં ક્યાંક ને ક્યાંક પાછળ રહી ગઈ છે. કારણ કે, તાપી જિલ્લાની કુકનરામુંડા પ્રાથમિક શાળાના વિદ્યાર્થીઓને ભારે વરસાદમાં નદી પાર કરવાની ફરજ પડી છે.
કુકરમુડા તાલુકાની આષ્ટા પ્રાથમિક શાળાના વિદ્યાર્થીઓને ચાર ગામના વિદ્યાર્થીઓ માટેની વાહનવ્યવહારની સુવિધા અચાનક બંધ થઈ જતાં શાળાએ આવવા-જવામાં મુશ્કેલી પડી રહી છે. આ બાબતે બાળકોના વાલીઓએ કુકરમુડાના મામલતદારને લેખિત રજૂઆત કરી છે. પરંતુ હજુ સુધી બાળકોને કોઈ સુવિધા મળી નથી.
કુકરમુંડા તાલુકાના જુના ગોરાસા, આમોડા, પીપળા અને ચિરમુટી ગામના 40 થી વધુ વિદ્યાર્થીઓ આષ્ટા પ્રાથમિક શાળામાં ઘરેથી અભ્યાસ કરે છે. વિદ્યાર્થીઓને શાળાએ આવવા-જવા માટે ટ્રાન્સપોર્ટની સુવિધા ઉપલબ્ધ કરાવવામાં આવી હતી. પરંતુ તંત્ર દ્વારા આ સુવિધા એકાએક બંધ કરી દેવાતા 40 જેટલા નાના-મોટા લોકોને નદીના પાણીમાં પસાર થવાની ફરજ પડી છે.
કુકરમુંડામાં ગત દિવસોમાં ભારે વરસાદ પડ્યો હતો. જેના કારણે નદી નાળા છલકાઈ ગયા હતા. આવા સંજોગોમાં વિદ્યાર્થીઓની સુવિધા બંધ કરવી કેટલે અંશે યોગ્ય છે જ્યારે કુંકરમુડા ખેતીવાડી વિસ્તાર હોવાથી અહીં દીપડાનો પણ ભય છે. આવી સ્થિતિમાં વિદ્યાર્થીઓને સુવિધા આપવી જરૂરી બની જાય છે.