(G.N.S) તા. 11
ગાંધીનગર,
કેન્દ્રીય મંત્રી શ્રી પીયૂષ ગોયલે VGGS-2024 અંતર્ગત હેલીપેડ, ગાંધીનગર ખાતે બે લાખ ચોરસ મીટર વિસ્તારમાં આયોજિત દેશના સૌથી મોટા ‘વાઇબ્રન્ટ ગુજરાત ગ્લોબલ ટ્રેડ શો’માં ટેક્સટાઇલ, ભારતીય રેલ્વે અને આરોગ્ય મંત્રાલયના પેવેલિયનની મુલાકાત લીધી હતી.
આ ટેક્સટાઈલ પેવેલિયનમાં હેન્ડલૂમ, હેન્ડીક્રાફ્ટ, ખાદી ઈન્ડિયા, નેશનલ ટેક્નિકલ ટેક્સટાઈલ મિશન, નેશનલ ઈન્સ્ટિટ્યૂટ ઓફ ફેશન ટેક્નોલોજી દ્વારા તૈયાર કરાયેલા વિવિધ વસ્ત્રો, સાડીઓ અને શાલ સહિતની વિવિધ આર્ટિકલ વિગતવાર જોવા મળી હતી.
આ પ્રસંગે મંત્રીએ ફેશન ટેકનોલોજીના વિદ્યાર્થીઓ સાથે પણ વાર્તાલાપ કર્યો હતો.
કેન્દ્રીય મંત્રીએ ભારતીય હસ્તકલા અને હેન્ડલૂમ્સને આપવામાં આવેલા વિવિધ જીઆઈ ટેગનું પ્રદર્શન નિહાળ્યું હતું.
મંત્રીએ અમૂલ અને હરિયાણા રાજ્યના પેવેલિયનની પણ મુલાકાત લીધી હતી.