સત્તાવાળાઓ યુ.એસ.માં એક સ્ટોર લૂંટવાનો પ્રયાસ કરવાના શંકાસ્પદ વ્યક્તિ પરના હુમલાની તપાસ કરી રહ્યા છે. આ તપાસના દાયરામાં એક શીખ વ્યક્તિ સહિત બે કર્મચારીઓ છે. આ ઘટનાનો વીડિયો વાયરલ થયો હતો.
આ ઘટના 29 જુલાઈએ કેલિફોર્નિયાના સ્ટોકટન શહેરમાં 7-ઈલેવન સ્ટોરમાં બની હતી. વાયરલ વીડિયોમાં એક માસ્ક પહેરેલ વ્યક્તિ સ્ટોરની છાજલીઓમાંથી સિગારેટ અને અન્ય ઉત્પાદનો ખાલી કરતો જોવા મળે છે. આ પછી દુકાનના બે કર્મચારીઓ તેને રોકવા આવે છે. વીડિયોમાં એક કર્મચારી ચોરને પકડવાનો પ્રયાસ કરતો જોવા મળે છે જ્યારે શીખ વ્યક્તિ તેને લાકડીથી મારતો હોય છે.
સ્ટોકટન પોલીસે રવિવારે તેમના ફેસબુક પેજ પર એક અપડેટમાં જણાવ્યું હતું કે તેઓ 7-Eleven લૂંટમાં શંકાસ્પદ પર હુમલો કરનારા બે માણસોની તપાસ કરી રહ્યા છે. “અમારા ધ્યાન પર લાવવામાં આવ્યું છે કે 7-Eleven લૂંટના શંકાસ્પદ વ્યક્તિ પર બે કર્મચારીઓ દ્વારા હુમલો કરવામાં આવ્યો હોવાનો વીડિયો વાયરલ થઈ રહ્યો છે. અમે ઘટનાથી વાકેફ છીએ અને તપાસ ચાલુ છે.
એક ઓનલાઈન પોર્ટલે સ્કોટન પોલીસને ટાંકીને જણાવ્યું હતું કે શંકાસ્પદ ચોરે 24 કલાકના ગાળામાં બે વાર સ્ટોરને લૂંટ્યો હોવાનું માનવામાં આવે છે. “કેસ ઇન્ટરવ્યુ અને પુરાવાની સમીક્ષા માટે અમારા બ્યુરો ઑફ ઇન્વેસ્ટિગેશનને સોંપવામાં આવ્યો છે. એકવાર તપાસ પૂર્ણ થઈ જાય, તારણો સમીક્ષા માટે સાન જોક્વિન કાઉન્ટી ડિસ્ટ્રિક્ટ એટર્નીને મોકલવામાં આવશે.