ખેડામાં ધાર્મિક કાર્યક્રમમાં ગાયે હુમલો કરતાં 15થી વધુ લોકો ઘાયલ થયા હતા. જેમાં બે નાની બાળકીઓ અને એક વૃધ્ધને ગંભીર ઇજાઓ થતાં હોસ્પિટલમાં રીફર કરવા પડ્યા હતા.
ખેડાના ભોઇવાડા વિસ્તારમાં ધમક કાર્યક્રમ અંતર્ગત ભક્તો મોડી રાત્રે જોગણી માતાના રથને ફેરવવા જતા હતા. ત્યારે અચાનક એક ગાય ટોળામાં આવી અને તે બધાનો પીછો કરવા લાગી.
જેમાં પંદરથી વધુ લોકો ઘાયલ થયા હતા. જેમાં ધ્રુવીબેન વસંતભાઈ ભોઈ (ઉંમર 12)ને ડાબા હાથમાં ફ્રેક્ચર થતા ખેડા સિવિલ હોસ્પિટલમાં દાખલ કરવામાં આવ્યા હતા, જ્યાં તેમનું ઓપરેશન કરવામાં આવ્યું હતું. આ સિવાય કબાઈ કાકા (70 વર્ષ)ને માથામાં ઈજા થઈ છે. તેમજ ત્રણ વર્ષની બાળકી પ્રિયાંશીને માથા અને મોઢામાં ઈજાઓ સાથે ખાનગી હોસ્પિટલમાં દાખલ કરવામાં આવી હતી, જ્યાંથી તેને માથાના સીટી સ્કેન માટે મહેમદાવાદ લઈ જવામાં આવી હતી.