મહેસાણા જિલ્લાના ખેરાલુ તાલુકામાં તસ્કરો દ્વારા ખેતરમાં વાવેલા ચંદનના વૃક્ષોને કાપી નાખવાના બનાવો સતત સામે આવી રહ્યા છે. ત્યારે ખેરાલુ પોલીસમાં ચંદન ચોરીનો વધુ એક કિસ્સો પ્રકાશમાં આવ્યો છે. ખેરાલુ તાલુકાના ચાણસોલ ગામે અજાણ્યા તસ્કરો દ્વારા કુલ પાંચ ચંદનના વૃક્ષો કાપી નાખ્યા હતા.ખેતરોમાં વાવેલા ચંદનના વૃક્ષો તોડી ફરાર થઈ ગયા હતા. બનાવ બાદ ખેડૂતે અજાણ્યા તસ્કરો સામે ખેરાલુ પોલીસમાં ફરિયાદ નોંધાવી હતી.
ખેરાલુ તાલુકાના ચાણસોલ ગામ વિસ્તારમાં કુવા પાસે 20 થી 25 ચંદનના વૃક્ષો ઉગેલા હતા. સર્વે નંબર 599 ધરાવતા વિસ્તારમાં ફરિયાદી ખુશાલજી રાણા તેમના ખેતરમાં ઝાડ જોવા ગયા હતા. દરમિયાન તેમને ચંદનના 25 પૈકી 5 વૃક્ષો કપાયા હોવાનું જાણવા મળતાં ખેરાલુ પોલીસને જાણ કરી ફરિયાદ નોંધાવી હતી.
એક ખેડૂતે પોતાના ખેતરમાં વાવેલા રૂ. 1 લાખની કિંમતના 5 ચંદનના ઝાડની ચોરીની ફરિયાદ નોંધાવી છે. ફરિયાદીએ દિવ્ય ભાસ્કરને જણાવ્યું હતું કે, અનેક ગામોમાં અજાણ્યા તસ્કરો દ્વારા અહીં વાવેલા ચંદનના વૃક્ષોની ચોરીના બનાવો બન્યા છે.
એક ખેડૂતે પોતાના ખેતરમાં વાવેલા રૂ. 1 લાખની કિંમતના 5 ચંદનના ઝાડની ચોરીની ફરિયાદ નોંધાવી છે. ફરિયાદીએ દિવ્ય ભાસ્કરને જણાવ્યું હતું કે, અનેક ગામોમાં અજાણ્યા તસ્કરો દ્વારા અહીં વાવેલા ચંદનના વૃક્ષોની ચોરીના બનાવો બન્યા છે.