મહેસાણા લોકલ ક્રાઈમ બ્રાન્ચની ટીમ દ્વારા ઠેર-ઠેર ચાલતા જુગારધામો પર દરોડા પાડીને જુગારીઓની ધરપકડ કરવામાં આવી રહી છે. ખેરાલુ તાલુકાના માધાગઢ ગામની આસપાસ જુગારના અડ્ડા અંગે પોલીસને બાતમી મળતાં તેઓએ દરોડો પાડી સાત જુગારીઓને પકડી પાડ્યા હતા. મહેસાણા જિલ્લાના ખેરાલુ તાલુકાના માધાગઢ ગામની આસપાસ ઠાકોર ગમનજી જીવનજી નામના શખ્સે બહારગામથી લોકોને બોલાવ્યા હતા. અને આર્થિક લાભ માટે પોતાના ખેતરમાં જુગાર રમાડતો હતો. પીએસઆઈ એમ.ડી.ડાભીની ટીમના પોકો રશ્મેન્દ્રસિંહ અક્ષયસિંહને મળ્યા હતા. જેથી સમગ્ર મામલાની માહિતી મેળવીને ટીમે ત્યાં દરોડો પાડયો હતો.દરોડ દરમિયાન પોલીસે પત્તા રમતા કુલ સાત જુગારીઓને પકડી પાડ્યા હતા. જેમાં પકડાયેલા જુગારીઓ પ્લાસ્ટિકના સિક્કા પર પૈસા લખીને જુગાર રમતા હતા અને પોલીસે 163 સિક્કા કબજે કર્યા હતા. આમ, દરોડા દરમિયાન સાત જુગારીઓ પાસેથી રૂ.22,870 રોકડા, રૂ.4,000ની કિંમતનો સટ્ટો, રૂ.11,000ની કિંમતના ચાર મોબાઈલ ફોન અને રૂ.3 લાખની કાર કબજે કરી વધુ તપાસ હાથ ધરી છે.