મુંબઈઃ સેલ્સ ડેટા દર્શાવે છે કે નાણાકીય વર્ષ 2023-24 દેશના ઓટો સેક્ટર માટે પ્રોત્સાહક રહ્યું છે. ગયા નાણાકીય વર્ષમાં દેશમાં ઑફ-રોડ વાહનોનું છૂટક વેચાણ 3948143 રહ્યું, જે નાણાકીય વર્ષ 2023ના 3640399ના આંકડા કરતાં 8.45 ટકા વધુ છે.
ગયા નાણાકીય વર્ષમાં દેશમાં કુલ ઓટો વેચાણ 10.29 ટકા વધીને કુલ 2,453,0334 યુનિટ થયું છે. ઓટો વેચાણના કુલ આંકડાઓમાં એસયુવી, ટુ-વ્હીલર, કોમર્શિયલ વાહનો, ટ્રેક્ટર અને થ્રી-વ્હીલરનો સમાવેશ થાય છે.
ફેડરેશન ઓફ ઓટોમોબાઈલ ડીલર્સ એસોસિયેશન (FADA)ના ડેટા અનુસાર, વાહનોની ઉપલબ્ધતામાં વધારો થવાને કારણે ગત નાણાકીય વર્ષ વાહન વેચાણની દ્રષ્ટિએ સફળ રહ્યું છે.
FADA સૂત્રોએ જણાવ્યું હતું કે નવા મોડલ લોન્ચ થયા બાદ આ સ્થિતિ જોવા મળી છે. સપ્લાયમાં વધારો, વ્યૂહાત્મક માર્કેટિંગ અને રોડ ઈન્ફ્રાસ્ટ્રક્ચરમાં સુધારાએ પણ વાહન ખરીદવાનું આકર્ષણ વધાર્યું છે.
સ્પોર્ટ્સ યુટિલિટી વ્હીકલની માંગ પણ વધુ હતી.
માર્ચમાં પૂરા થયેલા મહિનામાં ઉતારુ વાહનોના વેચાણમાં 6 ટકાનો ઘટાડો નોંધાયો છે. અર્થતંત્ર અને ચૂંટણીના વાતાવરણની ચિંતાને કારણે માર્ચના વેચાણમાં પણ ઘટાડો જોવા મળ્યો છે.
આ વર્ષે માર્ચમાં 322345 વાહનોનું વેચાણ થયું હતું જે ગયા વર્ષના માર્ચમાં 343527 યુનિટ હતું.
ગયા નાણાકીય વર્ષમાં થ્રી-વ્હીલરના વેચાણમાં સૌથી વધુ વધારો જોવા મળ્યો છે. થ્રી-વ્હીલરના વેચાણમાં 48.83 ટકાનો વધારો થયો છે. FADAના પ્રમુખ મનીષરાજ સિંઘાનિયાએ એક નિવેદનમાં જણાવ્યું કે ટુ-વ્હીલરના વેચાણમાં 9.30 ટકાનો વધારો થયો છે.
ઈલેક્ટ્રિક વ્હીકલના મોડલને કારણે થ્રી-વ્હીલરનું વેચાણ વધ્યું છે. આ સિવાય સકારાત્મક સેન્ટિમેન્ટના કારણે ટુ-વ્હીલરના વેચાણમાં વધારો જોવા મળ્યો છે.