ત્રીજા સ્થાને મોડાસા નગરપાલિકાની ડમ્પીંગ સાઈડની જગ્યાનો પણ વિરોધ કરવામાં આવ્યો હતો. આવેદનપત્ર આપવા માટે ગ્રામ્ય જિલ્લા કલેક્ટર કચેરીએ પહોંચ્યા હતા. મોડાસા નગરપાલિકા દ્વારા મોડાસા નગરપાલિકા વિસ્તારના લીલા અને સૂકા કચરાના નિકાલ માટેની ડમ્પીંગ સાઈડ છેલ્લા કેટલાક સમયથી વિવાદમાં આવી રહી છે. પ્રથમ સ્થાન પાલનપુર ખાતે નક્કી થયું હતું. સ્થાનિક લોકોએ તેનો વિરોધ કર્યો હતો. બાદમાં મોડાસાના મહાદેવ ગામ-બાકરોલ પાસે ડમ્પિંગ સાઈટ નક્કી કરવામાં આવી ત્યારે ત્યાં પણ ખેતીની જમીનને નુકશાન થવાની ભીતિથી ગ્રામજનોએ વિરોધ કર્યો હતો. આથી મોડાસાના ગારૂડી ખાતે આવેલી ગૌચર ભૂમિમાં આ બાજુ ફાળવવામાં આવી છે. તો ગરૂડી ગામના લોકોએ પણ આ ડમ્પીંગ સાઈડનો વિરોધ કર્યો છે. સ્થાનિક લોકોના જણાવ્યા મુજબ આ ગંદા કચરાના નિકાલ માટે મોડાસા નગરપાલિકા વિસ્તારમાં જગ્યા ફાળવો તેનાથી અહીંના લોકોના આરોગ્ય પર માઠી અસર થાય છે. આથી ગ્રામજનોએ આજે જિલ્લા કલેકટરને આ ડમ્પીંગ સાઈટ ગારુડીને બદલે અન્ય કોઈ જગ્યાએ ફાળવવા અરજી કરી છે.