કસ્ટમર સપોર્ટ એક્ઝિક્યુટિવ, કેશિયર, પેકર, એકાઉન્ટન્ટ, સેલ્સ કોઓર્ડિનેટર, સુપરવાઈઝર, ટેલી માર્કેટિંગ, બેંક ઓફિસ સપોર્ટ સ્ટાફ સહિતની જગ્યાઓ માટે જિલ્લા રોજગાર વિનિમય ખાતે ભરતી મેળાનું આયોજન કરવામાં આવશે.
(GNS),તા.22
ગાંધીનગર,
જિલ્લા રોજગાર વિનિમય કચેરી, ગાંધીનગર દ્વારા 24મી નવેમ્બરના રોજ સવારે 10 કલાકે જિલ્લા રોજગાર વિનિમય કચેરી, સી વિંગ, પહેલો માળ, સહયોગ સંકુલ, ગાંધીનગર ખાતે ખાસ ઔદ્યોગિક રોજગાર ભરતી મેળાનું આયોજન કરવામાં આવ્યું છે. ધોરણ 10 અને 12 પાસ, ITI, ડિપ્લોમા, ગ્રેજ્યુએટ અને પોસ્ટ ગ્રેજ્યુએટ ઉમેદવારો આ ભરતી મેળામાં ભાગ લઈ શકશે. ભરતી મેળામાં, શૈક્ષણિક લાયકાત અનુસાર, કસ્ટમર સપોર્ટ એક્ઝિક્યુટિવ, સેલ્સ એસોસિયેટ, કેશિયર, પેકર, એકાઉન્ટન્ટ, સેલ્સ કોઓર્ડિનેટર, સુપરવાઈઝર, ટેલી માર્કેટિંગ અને બેંક ઓફિસ સપોર્ટ સ્ટાફ માટે નોકરીઓ ઓફર કરવામાં આવશે. ગાંધીનગર જિલ્લામાં રોજગાર મેળવવા માંગતા ઉમેદવારો રોજગારીની વિવિધ તકોથી વંચિત ન રહી જાય અને રોજગાર કચેરી દ્વારા રોજગારદાતાઓને સતત કુશળ માનવબળ મળી રહે તે હેતુથી જિલ્લા રોજગાર વિનિમય કચેરી, ગાંધીનગર દ્વારા આ ભરતી મેળાનું આયોજન કરવામાં આવ્યું છે. ગાંધીનગર જિલ્લાના વધુમાં વધુ ઉમેદવારો આ ભરતી મેળાનો લાભ લઈ શકે તે માટે જિલ્લા રોજગાર અધિકારી દ્વારા ખાસ અનુરોધ કરાયો છે.