(GNS),તા.26
કેન્દ્ર સરકારે વર્ષ 2030 સુધીમાં મેલેરિયાને નાબૂદ કરવાનું લક્ષ્ય નક્કી કર્યું છે. ગુજરાતમાં વેક્ટર બોર્ન ડિસીઝ કંટ્રોલ પ્રોગ્રામ દ્વારા ‘મેલેરિયા નાબૂદી’નો ધ્યેય હાંસલ કરવા માટે આજે ગાંધીનગરમાં આરોગ્ય વિભાગના અગ્ર સચિવ અને આરોગ્ય કમિશનર શ્રી શાહમીના હુસૈનની અધ્યક્ષતામાં વિવિધ વિભાગોની સંકલન બેઠકનું આયોજન કરવામાં આવ્યું હતું.
રાજ્યમાં મેલેરિયા, ડેન્ગ્યુ અને ચિકનગુનિયા જેવા વાહકજન્ય રોગોની વર્તમાન પરિસ્થિતિ અને મેલેરિયાને નાબૂદ કરવાના લક્ષ્યાંકને હાંસલ કરવા માટે રાજ્ય સરકાર દ્વારા લેવામાં આવેલા વિવિધ પગલાં વિશે માહિતી આપવામાં આવી હતી. આ ઉપરાંત મિટીંગમાં ઉપસ્થિત વિવિધ વિભાગો દ્વારા તેમના કાર્યક્ષેત્રમાં વેક્ટર બોર્ન રોગોના નિયંત્રણ અને નિવારણ માટે યોગ્ય કાર્યવાહી કરવા માટે પ્રાદેશિક કક્ષાએથી સહકાર મળે તે હેતુથી બેઠકમાં પ્રેઝન્ટેશન દ્વારા વિસ્તૃત સમજ આપવામાં આવી હતી.
આ બેઠકમાં આરોગ્ય વિભાગના અધિક મહાનિર્દેશક, કેન્દ્ર સરકારના આરોગ્ય અને પરિવાર કલ્યાણના વરિષ્ઠ અધિકારીઓ, પંચાયત, આયુષ, માર્ગ અને મકાન, નગરપાલિકા, ઉદ્યોગ, મહિલા અને બાળ વિકાસ, શિક્ષણ વિભાગ, માહિતી ખાતાના અધિકારીઓ અને ભારતીય વિભાગના અધિકારીઓ ઉપસ્થિત રહ્યા હતા. મેડિકલ એસોસિએશન ઉપસ્થિત રહ્યા હતા.