(GNS),09
રાજ્યમાં ફરી એકવાર મેઘરાજાની જમાવટ થઈ છે. લાંબા વિરામ બાદ ગુજરાતમાં મેઘરાજાએ ફરી જોરદાર બેટિંગ કરી છે. ગુજરાતના 148 તાલુકાઓમાં વાદળછાયું વરસાદ પડ્યો છે. ગઈકાલે આખી રાત અનેક વિસ્તારોમાં વરસાદ પડ્યો હતો. 60 તાલુકાઓમાં 1 થી 4.25 ઈંચ સુધીનો વરસાદ થયો છે. વરસાદના આગમનને પગલે ખેડૂતોમાં ખુશીની લહેર જોવા મળી રહી છે.
ડાંગના સુબીરમાં સૌથી વધુ 4.25 ઈંચ વરસાદ નોંધાયો છે.વલસાડના કપરાડામાં 4 ઈંચથી વધુ વરસાદ નોંધાયો છે. આહવા અને ધરમપુરમાં પણ 4 ઈંચ વરસાદ નોંધાયો હતો. નવસારીના ખેરગામમાં પણ 4 ઈંચ વરસાદ નોંધાયો હતો. સુરત, તાપી, ભરૂચ, નવસારી, આણંદ અને ખેડામાં પણ વાદળો ઉતર્યા છે. તો પંચમહાલ, મહિસાગર અને નર્મદામાં પણ સારો વરસાદ થયો છે.