(GNS),તા.05
ગુજરાતમાં ફરી એકવાર કમોસમી વરસાદની આગાહી કરવામાં આવી છે. હવામાનશાસ્ત્રી અંબાલાલ પટેલે આ આગાહી કરી છે. 8મીથી 10મી જાન્યુઆરી વચ્ચે સિઝનલ વરસાદની શક્યતા છે. અંબાલાલની આગાહી મુજબ સૌરાષ્ટ્ર, મધ્ય ગુજરાત અને દક્ષિણ ગુજરાતમાં હળવાથી મધ્યમ વરસાદની આગાહી કરવામાં આવી છે. જ્યારે ઉત્તર ગુજરાતમાં પણ કમોસમી વરસાદની સંભાવના છે. જેમાં મહેસાણા, પાટણ અને બનાસકાંઠા જિલ્લામાં મોસમના વરસાદની શક્યતાઓ છે. આમ, નવા વર્ષની શરૂઆતમાં રાજ્યના ખેડૂતો માટે ચિંતાની આગાહી કરવામાં આવી છે.