મહિલા નેતૃત્વ વધારવાના હેતુથી કાર્યક્રમો યોજાશે, 182 વિદ્યાર્થીનીઓ વિધાનસભાનું સંચાલન કરશે.
(GNS),તા.18
ગુજરાત વિધાનસભામાં કન્યા દિવસની અનોખી ઉજવણી કરવામાં આવશે. 24મી જાન્યુઆરીના રોજ ગર્લ્સ ડે નિમિત્તે મોક એસેમ્બલીનું આયોજન કરવામાં આવ્યું છે. જેમાં 182 વિદ્યાર્થીનીઓ એસેમ્બલી ચલાવશે. એસેમ્બલી તેજસ્વીની ગર્લ એસેમ્બલી તરીકે ચાલશે. જેમાં મુખ્યમંત્રી, મંત્રીઓ, વિપક્ષ અને સ્પીકર પણ વિદ્યાર્થીઓ હશે. પ્રેક્ષક ગેલેરીમાં ગુજરાતની અગ્રણી મહિલાઓ ઉપસ્થિત રહેશે. મહિલાઓનું નેતૃત્વ વધે તે હેતુથી કાર્યક્રમોનું આયોજન કરવામાં આવશે. 23 જાન્યુઆરીએ વિધાનસભામાં પ્રેક્ટિસ માટે આવશે. પ્રથમ સત્ર 24 જાન્યુઆરીએ યોજાશે. ઉદ્ઘાટન સત્રમાં મુખ્યમંત્રી અને વિધાનસભા અધ્યક્ષ હાજર રહેશે.