(જીએનએસ) તા. 3
ગાંધીનગર,
મુખ્યમંત્રી શ્રી ભૂપેન્દ્રભાઈ પટેલ દ્વારા રાજ્ય સરકારના વિવિધ વિભાગોમાં પસંદગી પામેલા કુલ 1990 ઉમેદવારોને નિમણૂક પત્ર એનાયત કરવાનો કાર્યક્રમ મહાત્મા મંદિર, ગાંધીનગર ખાતે યોજવામાં આવ્યો હતો.
ઉપસ્થિત ગાંધીનગર મ્યુનિસિપલ કોર્પોરેશનના મેયર શ્રી હિતેશભાઈ મકવાણા અને ધારાસભ્ય શ્રી રીટાબેન પટેલે તમામ ઉમેદવારોને અભિનંદન પાઠવીને વિકસિત ગુજરાત અને વિકસિત ભારતના નિર્માણમાં યોગદાન આપવા હાકલ કરી હતી.
આ કાર્યક્રમમાં ધારાસભ્ય રીટાબેન પટેલ, રાજ્ય સરકારના ઉચ્ચ અધિકારીઓ, કર્મચારીઓ અને મોટી સંખ્યામાં ઉમેદવારો ઉપસ્થિત રહ્યા હતા.