સરહદી પંથકમાં છેલ્લા એક માસથી દારૂનો મામલો સામે આવ્યા બાદ એલસીબી પોલીસે વાવના મહિલા ધારાસભ્ય ગનીબેનના ભાઈની ધરપકડ કરી છે, જે બાદ વાવના મહિલા ધારાસભ્યએ જિલ્લા પોલીસ વડાની કામગીરી પર સવાલ ઉઠાવ્યા છે. બોર્ડર ડિવિઝનના 9 દારૂની હેરાફેરી કરનારાઓ સામે કાર્યવાહી કરવાની માંગ કરવામાં આવી છે. ત્યારે વાવ તાલુકા ભાજપ પક્ષ દ્વારા ગઈકાલે વાવ મામલતદારને ફરિયાદ પત્ર પાઠવી રજૂઆત કરવામાં આવી છે કે સરહદ પર રાજસ્થાન સરકારની બેવડી નીતિના કારણે દારૂ સીમામાં પ્રવેશી રહ્યો છે. આ મામલે પોલીસ સક્રિય બની છે અને દારૂની હેરાફેરી કરનારાઓ સામે કાર્યવાહી કરી રહી છે. તો પછી બુટલેગરોને બચાવવા મેદાનમાં ઉતરેલા કોંગ્રેસના નેતાઓ અને વાવ ધારાસભ્ય એવા બુટલેગરોના નામ કેમ નથી જણાવતા જેઓ સરહદી વિસ્તારના એપી સેન્ટર ગણાય છે અને અન્ય સમાજને બદનામ કરી રહ્યા છે. ગઇકાલે આપેલ આવેદન પ્રસંગે વાવ, ભાભર, સુઇગામના ભાજપના આગેવાનો મોટી સંખ્યામાં ઉપસ્થિત રહ્યા હતા.