ગેરકાયદેસર રીતે અમેરિકા જવા માંગતા લોકો માટે એક દર્દનાક ઘટના બોધપાઠ બનીને સામે આવી છે. જેમાં અમદાવાદના નરોડાના પટેલ દંપતીનું અમેરિકા પહોંચતા પહેલા અપહરણ થઈ જાય છે. આ સાથે પંકજકુમાર ભરતભાઈ પટેલ નામના આ યુવાનને ઊંધો સુવડાવી બ્લેડ વડે અનેક ઘા ઝીંકી દીધા હતા. યુવક પીડાથી આક્રંદ કરી રહ્યો છે જ્યારે લોહી વહી રહ્યું છે. રડતા રડતા તે તેના ભાઈને કહે છે, ભાઈ મુઝે માર દેંગે…પૈસે દોલો જસપીઠ જાપ પૈસા દોઓલો…મુઝે માર દેંગે.
બનાવ અંગે પકંજ પટેલના પિતરાઈ ભાઈ સંકેત પટેલે કૃષ્ણનગર પોલીસને જાણ કરી હતી. જેમાં પોલીસને જણાવવામાં આવ્યું છે કે તેના સાળાએ ગાંધીનગર સરગાસણના એક એજન્ટ સાથે ગેરકાયદેસર રીતે અમેરિકા જવા માટે રૂ. 1.15 કરોડમાં સોદો કર્યો હતો. એજન્ટે જણાવ્યું કે તેનો સાળો પહેલા ભાભીને હૈદરાબાદ લઈ જશે અને ત્યાંથી અન્ય એજન્ટ તેને દુબઈ, ઈરાન થઈને અમેરિકા મોકલશે. એવી આશંકા છે કે અમેરિકા પહોંચતા પહેલા તેના સાળાનું ઈરાનમાં અપહરણ કરવામાં આવ્યું છે.
પંકજ પટેલ પર અત્યાચાર ગુજારવામાં આવતો હોવાની વિડિયોની ક્લિપિંગ કરી પરિવારજનોને સંદેશો મોકલવામાં આવ્યો છે. શરૂઆતમાં, પકંજ પટેલ અને તેની પત્ની એક હોટલના સ્વિમિંગ પૂલ પાસે ઉભા છે અને કહે છે કે તેઓ અમેરિકા જવાના છે. બીજા વિડિયોમાં પંકજ પટેલને બાથરૂમમાં મોઢા પર સુવડાવવામાં આવે છે અને પીઠના ઉપરના ભાગે બ્લેડથી ઘા કરવામાં આવે છે.પંકજ પટેલ રડતા રડતા હિન્દીમાં કહે છે, જલ્દી પૈસા મોકલો નહીંતર આ લોકો મને મારી નાખશે.
તે પછી, અપહરણકર્તા પંકજને ચૂપ રહેવાનું કહે છે અને હિન્દીમાં સંદેશ આપે છે કે પૈસા નહીં દાલો ગે તો ખુદા કી કસમ હમ ઉસે ગુરદક નિકાલ કર દેંગે પૈસા ડાલો ઉંમર તુમ્હારી મરઝી. પોલીસે ઘટનાને ગંભીરતાથી લઈને યુવાન પટેલ દંપતીને બચાવવાના પ્રયાસો હાથ ધર્યા છે. આ અંગે સરકારે પણ તાકીદે પગલા લેવા જોઈએ તેવું સ્વજનોનું માનવું છે.