ચંદ્રયાન-3એ લેન્ડિંગ બાદ તસવીર મોકલી, ઈસરોએ ટ્વીટ કરીને માહિતી આપી
ચંદ્રયાન-3 આજે 23 ઓગસ્ટે ચંદ્ર પર સોફ્ટલેન્ડ થયું છે. આ ઉતરાણ સાથે ભારતે ઈતિહાસ રચ્યો છે અને સમગ્ર વિશ્વમાં નવો રેકોર્ડ સર્જ્યો છે. ચંદ્રયાન-3 એ લેન્ડિંગ પછી પ્રથમ તસવીર મોકલી છે જે ચંદ્ર પર સોફ્ટ લેન્ડિંગ દરમિયાન લેન્ડર દ્વારા લેવામાં આવી છે.
ચંદ્રયાન-3 મિશન:
અપડેટ્સ:Ch-3 લેન્ડર અને MOX-ISTRAC, બેંગલુરુ વચ્ચે કોમ્યુનિકેશન લિંક સ્થાપિત થયેલ છે.
નીચે ઉતરતી વખતે લેવામાં આવેલ લેન્ડરના હોરીઝોન્ટલ વેલોસીટી કેમેરાની તસવીરો અહીં છે. #ચંદ્રયાન_3#ch3 pic.twitter.com/ctjpxZmbom
ISRO (@isro) 23 ઓગસ્ટ, 2023
ઈસરોએ ટ્વીટ કરીને માહિતી આપી હતી કે “આ લેન્ડર હોરીઝોન્ટલ વેલોસીટી કેમેરાની તસવીરો છે જે સોફ્ટ લેન્ડિંગ દરમિયાન લેવામાં આવી હતી”. આ સાથે તેમણે જણાવ્યું કે CH-3 લેન્ડર અને MOX-ISTRAC વચ્ચે કોમ્યુનિકેશન લિંક સ્થાપિત થઈ ગઈ છે.
આ સાથે નાસાએ પણ ઈસરોને આ સફળતા માટે અભિનંદન પાઠવ્યા છે. નાસાના પ્રશાસક બિલ નેલ્સને ટ્વિટ કર્યું કે ચંદ્રના દક્ષિણ ધ્રુવ પર ચંદ્રયાન-3ના સફળ ઉતરાણ માટે ISRO અને ભારતને અભિનંદન. ચંદ્ર પર અવકાશયાનને સફળતાપૂર્વક સોફ્ટ-લેન્ડ કરનાર ભારત ચોથો દેશ બન્યો છે. અમે આ મિશનમાં તમારા ભાગીદાર બનીને ખૂબ જ ખુશ છીએ.