વિંછીયા પેટા વિભાગના ચોટીલા તાલુકાના નવાગામ દેવપરામાં પીજીવીસીએલની ટીમ ઈલેક્ટ્રીક પોલનું સમારકામ કરી રહી હતી ત્યારે ટ્રેક્ટર પર હુમલો થયો હતો. જેમાં એક કર્મચારીને ગંભીર ઇજાઓ થઇ હતી અને તેની સાથે રહેલા બે કર્મચારીઓને ફ્રેક્ચર જેવી ઇજાઓ થઇ હતી.
ચોટીલાના નવાગામ દેવપરા ગામે પીજીવીસીએલની ટીમના અધિકારી અને કોન્ટ્રાક્ટર સહિત પાંચ કર્મચારીઓ વીજ પોલ રીપેર કરવા ગયા ત્યારે વલ્લભભાઈ નામનો શખ્સ ટ્રેક્ટર લઈને દોડી આવ્યો હતો અને ટ્રેક્ટર હંકારીને હુમલો કર્યો હતો. જેમાં મહેશભાઇ ગહાદરાને માથાના ભાગે ગંભીર ઇજાઓ થતાં સારવાર માટે રાજકોટ સિવિલમાં રીફર કરાયા છે. આ અંગે ચોટીલાના મોલડી પોલીસ સ્ટેશનમાં ફરિયાદ નોંધાતા ટ્રેક્ટર ચાલક વલ્લભભાઈ હદાણી સામે ગુનો નોંધવામાં આવ્યો છે.
હરેશભાઈ ઓલકિયાએ ફરિયાદમાં જણાવ્યું છે કે, આણંદપુર ગામમાં ગઈકાલે લાઇટ ન હોવાથી અમે કુરજીભાઈ મેણિયાના ઘર પાસેનો ઈલેક્ટ્રીક પોલ ઠીક કરવા ગયા હતા જે તૂટી ગયો હતો અને અમારી સાથે હસમુખ ઝાપડિયા, મહેશ ગહાદરા, અરવિંદ મેણીયા અને કુરજી બાવળિયા, વલ્લભ હદાણી પહોંચ્યા હતા. ત્યાં આવીને કહ્યું કે અમારે અહીંથી ટ્રેક્ટર હટાવવાનું છે.
તમે થાંભલો હટાવો. તેમ કહી તે ટ્રેક્ટર લઈને દોડી ગયો હતો અને હું અને કુરજીભાઈ જ્યાં ઉભા હતા ત્યાં આવીને પગમાં ઈજા પહોંચાડી હતી અને મહેશને ટ્રેક્ટર સાથે અથડાવ્યા બાદ માથામાં ગંભીર ઈજા થઈ હતી. ટ્રેક્ટરને ટક્કર મારીને વલ્લભ ભાગી ગયો હતો.