નવી દિલ્હી: ગયા મહિને રિટેલ ફુગાવો 7.44 ટકાની 15 મહિનાની ટોચે પહોંચ્યો હતો. તેનું કારણ મુખ્યત્વે શાકભાજી અને અન્ય ખાદ્ય ચીજવસ્તુઓના ભાવમાં થયેલ વધારાને જવાબદાર ગણવામાં આવે છે. આ સાથે, ગ્રાહક ભાવ સૂચકાંક (CPI) પર આધારિત ફુગાવાનો દર જૂનમાં 4.87 ટકા અને જુલાઈમાં 6.71 ટકા હતો.
છૂટક ફુગાવાનો રેકોર્ડ
આ વર્ષે એપ્રિલમાં 7.79 ટકાનો ઊંચો મોંઘવારી દર નોંધાયો હતો. ડેટા અનુસાર, ફૂડ બાસ્કેટમાં ફુગાવાનો દર જુલાઈમાં 11.51 ટકા હતો, જ્યારે જૂનમાં તે 4.55 ટકા અને જુલાઈ 2022માં 6.69 ટકા હતો. નેશનલ સ્ટેટિસ્ટિકલ ઑફિસ (NSO) દ્વારા બહાર પાડવામાં આવેલા આંકડા અનુસાર, શાકભાજીનો છૂટક ફુગાવો વાર્ષિક ધોરણે 37.43 ટકા વધ્યો છે, જ્યારે ખાદ્યાન્ન અને ઉત્પાદનોના ભાવમાં 13 ટકાનો વધારો થયો છે.
જુલાઈમાં નેગેટિવ વિસ્તારમાં જથ્થાબંધ ફુગાવો
જુલાઈ મહિનાના જથ્થાબંધ મોંઘવારી દરના આંકડા આજે જાહેર કરવામાં આવ્યા છે. જુલાઈમાં છૂટક ફુગાવાનો દર નકારાત્મક 1.36 (-1.36) ટકા હતો. આ સતત ચોથો મહિનો છે જ્યારે જથ્થાબંધ મોંઘવારી દર સૌથી નીચા સ્તરે પહોંચી ગયો છે. આ વખતે જથ્થાબંધ મોંઘવારી વધવાનું કારણ ઈંધણના ભાવમાં થયેલો ઘટાડો માનવામાં આવે છે. આ સાથે ખાદ્ય ચીજવસ્તુઓના ભાવમાં પણ વધારો થયો છે. ગયા મહિને ફુગાવાનો દર -4.12 ટકા હતો.