(GNS),10
રાજ્યભરમાં સાર્વત્રિક વરસાદ નોંધાયો છે. છેલ્લા 24 કલાકમાં 33 જિલ્લાના 245 તાલુકાઓમાં વરસાદ થયો છે. છેલ્લા 24 કલાકમાં ગુજરાતના 245 તાલુકાઓ પર વાદળો ઉતરી આવ્યા છે. ખાસ કરીને 106 તાલુકાઓમાં 2 ઈંચથી 1.25 ઈંચ વરસાદ નોંધાયો છે. સૌથી વધુ પાટણના સાંતલપુરમાં 6.5 ઈંચથી વધુ વરસાદ નોંધાયો છે. તો કોટડાસાંગાણી અને માણસામાં 6-6 ઈંચ વરસાદ નોંધાયો છે. અબડાસા, સુઇગામ, ખંભાળિયા, ઉપલેટામાં 5-5 ઇંચ વરસાદ નોંધાયો હતો. તો દહેગામ, વંથલી, તલોદમાણમાં 4-4 ઈંચ વરસાદ નોંધાયો હતો. અત્યાર સુધી વરસેલા સિઝનના વરસાદની વાત કરીએ તો કચ્છમાં સૌથી વધુ 112.7 ટકા વરસાદ નોંધાયો છે. ઉત્તર ગુજરાતમાં 45.24 ટકા વરસાદ નોંધાયો છે. પૂર્વ મધ્ય ગુજરાતમાં 30.16 ટકા, સૌરાષ્ટ્રમાં 63.14 ટકા અને દક્ષિણ ગુજરાતમાં 32.36 ટકા વરસાદ નોંધાયો છે. સમગ્ર ગુજરાતમાં અત્યાર સુધીમાં 43.77 ટકા વરસાદ નોંધાયો છે.