હવામાન વિભાગની આગામી પાંચ દિવસની આગાહીથી ખેડૂતોમાં સારા વરસાદની આશા જાગી છે.
હવામાન વિભાગે આગામી દિવસોમાં ગુજરાતમાં ભારેથી અતિભારે વરસાદની આગાહી કરી છે. સપ્ટેમ્બરના પ્રારંભમાં થોડા દિવસો સિવાય વરસાદ પડ્યો નથી. આવી સ્થિતિમાં આગામી પાંચ દિવસ માટે હવામાન વિભાગની આગાહીથી ખેડૂતોમાં સારા વરસાદની આશા જાગી છે.
16 થી 20 સપ્ટેમ્બર દરમિયાન, ગુજરાતના મોટાભાગના જિલ્લાઓમાં ભારેથી અતિ ભારે વરસાદ પડી શકે છે. દાહોદ, છોટા ઉદેપુર, નર્મદા, સુરત, ડાંગ, નવસારી, વલસાડ, તાપી, બનાસકાંઠા, મહેસાણા, સાબરકાંઠા, ગાંધીનગર, અરવલી, ખેડા, અમદાવાદ, આણંદ, મહિસાગર, વડોદરા, અમરેલી અને ભાવનગરમાં ભારે વરસાદની સંભાવના છે.
આ ઉપરાંત સુરેન્દ્રનગર, મોરબી, બોટાદમાં ભારેથી અતિભારે વરસાદની શક્યતા છે જ્યારે પાટણ, મહેસાણા, ખેડા, અમદાવાદ, નવસારી, વલસાડ, અમરેલી, ભાવનગર, ગીર સોમનાથ અને કચ્છમાં ભારેથી અતિભારે વરસાદની શક્યતા છે. કચ્છ જિલ્લામાં ભારેથી અતિભારે વરસાદની સંભાવના છે. જ્યારે દેવભૂમિ દ્વારકામાં ભારે વરસાદની આગાહી છે.