જાપાને આજે એટલે કે સોમવારે પશ્ચિમી સમુદ્રી વિસ્તારમાં ભૂકંપના તીવ્ર આંચકા અનુભવ્યા હતા. ભૂકંપની તીવ્રતા રિક્ટર સ્કેલ પર 7.6 હતી. જાપાનમાં આવેલા ભૂકંપ બાદ સુનામીની ચેતવણી જારી કરવામાં આવી છે. લોકોને વહેલી તકે દરિયાકાંઠાના વિસ્તારોમાંથી સલામત સ્થળે ખસી જવા માટે કહેવામાં આવ્યું છે. જાપાન ઉપરાંત ઉત્તર કોરિયા અને રશિયાના પૂર્વ વિસ્તાર માટે સુનામી એલર્ટ જારી કરવામાં આવ્યું છે. જાપાનની હવામાન એજન્સીએ સ્થાનિક સમય અનુસાર સાંજે 4 વાગ્યે ઇશિકાવાના દરિયાકાંઠે અને આસપાસના પ્રીફેક્ચર્સમાં ભૂકંપની જાણ કરી, જેમાંથી એકની તીવ્રતા 7.6 હતી. જાપાનના શહેર ઇશિકાવા માટે ગંભીર સ્તરની સુનામીની ચેતવણી જારી કરવામાં આવી છે અને હોન્શુ ટાપુના બાકીના પશ્ચિમ કિનારા માટે નીચા સ્તરની સુનામીની ચેતવણી જારી કરવામાં આવી છે.