જૂનાગઢ જિલ્લાને મેઘરાજા હચમચાવી રહ્યા છે. જૂનાગઢમાં જળબંબાકારની સ્થિતિ જોવા મળી રહી છે. ભારે વરસાદને કારણે જમીન પર પાણી ફરી વળ્યા છે અને સમગ્ર શહેરમાં માત્ર પાણી જ જોવા મળી રહ્યું છે. ભારે વરસાદના કારણે રસ્તાઓ નદીઓમાં ફેરવાઈ ગયા છે. ગિરનાર અને દાતાર પર્વત પર ભારે વરસાદને કારણે કાળવા નદી બે કાંઠે વહી રહી છે. ત્યારે ભવનાથ કાળવા ચોક અને મોતીબાગ વિસ્તારમાં ભયજનક સ્થિતિ સર્જાઈ છે. ઘણા વાહનો ટોવિંગ કરવામાં આવે છે. ઘરોમાં પાણી ભરાયા છે. એક નજરમાં જૂનાગઢમાં પૂર જેવી સ્થિતિ સર્જાઈ છે.