જુનાગઢ.
આજે વાદળછાયા આકાશ વચ્ચે સૌરાષ્ટ્રના અનેક વિસ્તારોમાં ધોધમાર વરસાદ વરસી રહ્યો છે. જૂનાગઢમાં બપોરના સમયે અચાનક મેઘરાજાએ જોરદાર બેટિંગ કરતા 2 કલાકમાં 3 ઈંચ વરસાદ ખાબક્યો હતો. જેના કારણે માર્ગો પર સર્વત્ર પાણી ભરાઈ ગયા હતા.
જૂનાગઢ શહેરના ઝાંઝરડા રોડ પર અન્ડર બ્રિજમાં પાણી ભરાઈ જવાથી વાહનચાલકો અટવાયા હતા. બીજી તરફ ગિરનારમાં ભારે વરસાદને કારણે પગથિયા પર પાણી ધોધની જેમ વહે છે અને સુંદર નજારો સર્જે છે.
જૂનાગઢ શહેરમાં પ્રથમ વરસાદમાં જ મહાનગરપાલિકાનો પ્રિ-મોન્સુન પ્લાન ધોવાઈ ગયો હતો, શહેરમાં ઠેર-ઠેર જળબંબાકારના દ્રશ્યો જોવા મળ્યા હતા. આ સાથે જ અંડર બ્રિજમાં અનેક વાહનો પાણીમાં ફસાઈ ગયા હતા. જેના કારણે વાહન ચાલકોને ભારે હાલાકીનો સામનો કરવો પડ્યો હતો.
જૂનાગઢ જિલ્લામાં ભારે વરસાદને કારણે અનેક ડેમ પણ ધોવાઈ ગયા છે. ગિરનાર પર ભારે વરસાદને કારણે આણંદપુર ડેમના ડાઉનસ્ટ્રીમના 4 ગામોને એલર્ટ પર રાખવામાં આવ્યા છે.