ડીસા તાલુકાના જુનાડીસા ગામે ગુજરાત હાઈકોર્ટની રાષ્ટ્રીય લોક અદાલત પહોંચી હતી. જેમાં જિલ્લા કાનૂની સેવા સત્તા મંડળ દ્વારા ગામના લોકોને કાયદાકીય સલાહ માટે માર્ગદર્શન આપવામાં આવ્યું હતું. ગરીબ અને મધ્યમ વર્ગના લોકો કાનૂની સલાહથી વંચિત ન રહી જાય તે માટે ગુજરાત કાનૂની સેવા સત્તા મંડળ દ્વારા આ કેમ્પનું આયોજન કરવામાં આવ્યું હતું. જૂનાડીસા ખાતે સેક્રેટરી પી.પી.શાહ અને તેમની ટીમની ઉપસ્થિતિમાં કાયદા શિબિરનું આયોજન કરવામાં આવ્યું હતું. તાલુકા કક્ષાએ તાલુકા કાનૂની સેવા સમિતિ બોર્ડ અને જિલ્લા કક્ષાએ જિલ્લા કાનૂની સેવા સત્તા મંડળ અને રાજ્ય કક્ષાએ રાજ્ય કાનૂની સેવા સત્તા મંડળની સ્થાપના કરવામાં આવી હતી.